ખોટે ખોટાં પારણાનો અર્થ શો ?
બંધ છે એ બારણાનો અર્થ શો ?
કૈ ભરીને આવવાનું જો હતું
સાવ આ ખાલીપણાનો અર્થ શો ?
રીત ભાતો સાવ નોખી છે અહીં
આપણી આ ધારણાનો અર્થ શો ?
ને થયા ખાલી બધા રસ્તા અહીં
એ છતાં ભારેપણાનો અર્થ શો ?
છોડ માયા આ બધી હળવે હવે
છીંછરા બુધ્ધપણાનો અર્થ શો ?
લે હવે તો બોલ સાચું આશરે
સત્યવાદી , સુપણાનો અર્થ શો ?
ને પછી શરણાગતિ જો ના મળે
આપણા રાવણપણાનો અર્થ શો ?
છેક સુધી સાચવી રાખી હવે
દાટેલી એ થાપણોનો અર્થ શો ?
ને થયા ખાલી બધા રસ્તા અહીં
એ છતાં ભારેપણાનો અર્થ શો ?
આકાશ
No comments:
Post a Comment