એક જ દે ચિનગારી, મહાનલ!
એક જ દે ચિનગારી, મહાનલ!
એક જ દે ચિનગારી... (ટેક)
ચકમક લોઢું ઘસતાં ઘસતાં ખરચી જિંદગી સારી,
જામગરીમાં તણખો ન પડ્યો, ન ફળી મહેનત મારી...
મહાનલ... એક જ દે ચિનગારી...
ચાંદો સળગ્યો, સૂરજ સળગ્યો, સળગી આભઅટારી,
ના સળગી એક સગડી મારી, વાત વિપતની ભારી...
મહાનલ... એક જ દે ચિનગારી...
ઠંડીમાં મુજ કાયા થથરે, ખૂટી ધીરજ મારી,
વિશ્વાનલ! હું અધિક ન માગું, માગું એક ચિનગારી...
મહાનલ... એક જ દે ચિનગારી...
- હરિહર ભટ્ટ
No comments:
Post a Comment