ગયા વર્ષે લખાયેલી એક 'ગઝલ'
આજ મારે આંગણે બોલી રહયો છે કાગડો,
કોઈના સંદેશને ખોલી રહયો છે કાગડો.
યાદ આવી ગઈ *ર.પા.ની જોઈ બેઠેલ કાગડો,
વીજળીના તારને ઠોલી રહયો છે કાગડો.
આ ઉંમરનાં પડ ઉઘડતાં જાય છે શૈશવ સુધી,
ડુંગળી જેવો સમય ફોલી રહયો છે કાગડો.
જે સમયના વહેણમાં ભૂલી ગયો'તો હું ભલા,
એ જ જૂના ઘાવને છોલી રહયો છે કાગડો.
*રમેશ પારેખની રચના "કાગડો મરી ગયો"ના સંસ્મરણો સાથે.....
-'શિલ્પી' બુરેઠા (કચ્છ)
No comments:
Post a Comment