ગઝલ

શ્રી ગઝલ

શ્રી ગઝલ ને ગીતકાવ્યો, હું તમારો અંશ છું !
આખરે હું પણ તમારા પૂર્વજોનો વંશ છું !

એટલે આવે છે મારી પાસ બોલાવ્યા વગર,
ઝેર જેવા જગમાં હું અમૃતનો જાણે ડંખ છું !

હું બગીચામાં ખીલેલા ફૂલની માફક નથી,
માંડવે પોંખાઇને હું આવનારો રંગ છું !

દ્વોપદીની જેમ કેવળ યુધ્ધનું કારણ નથી,
હું ગદા છું, તીર છું, તલવાર, ભાલા, શંખ છું !

આ કલમના શબ્દમાં સુખ છે અનાદિનું અને
શ્વાસ કે ઉચ્છ્ વાસમાં આરંભ કે ના અંત છું !
                   
                      પારુલ વાળા