વેદનાના સૂરમાં શોભી રહી છે જીંદગી
વીરતાના નૂરમાં શોભી રહી છે જીંદગી
શ્વાસને શણગારવો છે પોતના પ્રકાશથી
ઝાંઝવાના પૂરમાં શોભી રહી છે જીંદગી
આયખું આખું અમોએ એમને આપી દિધુ
યાદના નુપૂરમાં શોભી રહી છે જીંદગી
યાતનાઓ કેટલી આપી દિધી જો એમને
જયોતના કપૂરમાં શોભી રહી છે જીંદગી
સ્નેહની સોડમ બધી 'પાર્થની' પ્રસરી રહી
દોસ્તીના સૂરમાં શોભી રહી છે જીંદગી
પાર્થ ખાચર
No comments:
Post a Comment