ગઝલ

તને જોયા કરું છુ પણ મિલન મોકા નથી મળતા
સિતમ છે, સામે મંઝિલ છે, અને રસ્તા નથી મળતા

પછી આ વિરહ રાતે આ ફરે છે કોણ આંખોમાં
કહ્યુ કોણે કે અંધરામાં પડછાયા નથી મળતા

ભલા એવા જગતમાં શુ ફળે  જીવનની  ઇચ્છાઓ
કે જ્યાં મરજી મુજબના નીંદમાં સ્વપ્ના નથી મળતા

નવીનતાને ન ઠુકરાવો નવીનતા પ્રાણપોષક છે.
જુઓ કુદરત તરફથી શ્વાસ પણ જુના નથી મળતા

કરી શકતો નથી હું મારા મિત્રોની કદરદાની
ફક્ત એક કારણે, કે દુશ્મનો સાચા નથી મળતા

“મરીઝ”  અલ્લાહના એકત્વમાં શંકા પડે  ક્યાંથી
જગતમાં જ્યારે બે ઇન્સાન પણ સરખા નથી મળતા

—  મરીઝ —