अछांदस

તારા શબ્દોના આલિંગનમાં
મને છુપાવી લે હવે
તારા નસીબની રેખામાં
મને લખાવી લે હવે
ચડતાં ઢળતાં પહોરની
પીંછી મને બનાવી લે હવે
મહોર મારા અધરોની
તારા ગાલે છપાવી લે હવે
સાત સૂર મધૂરા સંગીતના
તારા હોઠોનું ગીત
મને બનાવી લે હવે
નિરખવા મને રોજ ઝંખે તેવું
સુખદ સ્વપ્ન
તારી આંખોનું મને બનાવી લે હવે
ઝાકળ ભીની સવારમાં
તારા શ્વાસોની મહેક
મને બનાવી લે હવે
કહેવાથી ના કહેવાય
છુપાવવાથી ના છુપાય
એવો અમર પ્રેમ દૌહરાવી દે હવે
કોઈ અમર ગ્રંથ નહીં..
પણ તારા જીવનની એક
પ્રેમ કહાની બનાવી દે મને.
ખિલશે ફિઝા તારા આંગણમાં
તારા બાગનું ફૂલ મને બનાવી દે હવે.

કાજલ કાંજિયા 'ફિઝા'
22/12/2016