ના કશે પણ પ્હોંચવાનું હોય છે
ને અકારણ હાંફવાનું હોય છે.
કયાં ગતાગમ ગીતની કે સૂરની ,
તે છતાં પણ વાગવાનું હોય છે.
મૃગજળને પામવાની હોડમાં,
આંખ મીંચી ભાગવાનું હોય છે.
જિંદગીભર ઓળખાતા નામથી ,
એ કફનથી ઢાંકવાનું હોય છે.
ફૂલથી લઈ ફળ સુધીની છે સફર,
આખરે તો પાકવાનું હોય છે.
તાપણું ઠર્યા પછીથી એકલાં,
રાખ પાસે તાપવાનું હોય છે.
સાથ છોડી હાથનો શું પામશે?
માત્ર હૈયું બાળવાનું હોય છે.
' દાજી'
No comments:
Post a Comment