થીજેલી યાદોનું વાદળ ધુમ્મસ ધૂમ્મસ
આંસુનાં પડળૉમાં કાગળ ધુમ્મસ ધુમ્મસ,
વિતેલી સંગાથે એની ના ક્ષણ એક પણ,
કલ્પન સઘળાં થાયે ઝાકળ ધુમ્મસ ધુમ્મસ
ચાલી આ વણઝારો, ઉડાવીને નિંદર,
ઝાંખા સપનાની આ સાંકળ ધુમ્મસ ધુમ્મસ
આંસુઓનાં ટોળેટોળા પાંપણ પાછળ
ટપ ટપ ટપકે પલળે કાજળ ધુમ્મસ ધુમ્મસ
ચુપકીદી અકળાવે ખુદને ખુલ્લાં હોંઠે,
શબ્દો ડોલે આગળ પાછળ ધુમ્મસ ધુમ્મસ
પૂર્ણિમા ભટ્ટ "તૃષા"
No comments:
Post a Comment