*પલ* | *હૃદયનો સીધો અનુવાદ*
આવી શકે તો આવને અઘરું નથી !
બોલી જવાશે "જાવને", અઘરું નથી ?
ઝાંખો થયો છે રાતનો અજવાસ પણ,
બોલો, જરા સમ ખાવને, અઘરું નથી ?
સોલિડ ચરી રાખી તમારી યાદની,
અઘરી દવા બદલાવને, અઘરું નથી ?
આઘું પડે છે રોજનું હોવાપણું,
નજદીકમાં બોલાવને, અઘરું નથી ?
*આલાપ* યાને સ્નેહભીનું માવઠું,
ખોલી હૃદય ભીંજાવને, અઘરું નથી ?
(રદ્દીફ પછી પ્રશ્નાર્થ રાખીને વાંચો, પછી એ જ પ્રશ્નાર્થ હટાવીને વાંચો.
પ્રત્યેક શે'રનાં જૂદા જૂદા અર્થોની મજા માણો)
*ચિંતન મહેતા* *આલાપ*
#CM_Sarkaar
No comments:
Post a Comment