બાળપણ
સોનેરી સમય,
સરતી રેત જેવો
ક્યારે આવ્યો!
ક્યારે વીતી ગયો?
એનો મીઠો અહેસાસ
આંખોની ગહેરાઈમાં,
મનના એક ખૂણામાં,
હજું મલકે છે,
છલકે છે, હરખે છે,
આ બાળપણ હજુ
મારામાં અવારનવાર
ખેલે છે,
આ ગલી, મહોલ્લા, ગામના
ખૂણે ખૂણે,
જૂના ભેરુની જેમ મળે છે,
એ યાદોને મમરાવું છું,
ને એનો સ્વાદ આજેય
એવો જ છે,
હું ભલે નાનો ના થૈ શકું
પણ મારું મન તો
બાળક થૈ રોજ રમે,
માણે હજું એ બાળપણને.
-સંદીપ ભાટીયા(કવિ)લીમખેડા
No comments:
Post a Comment