ઢાંકી રાખે કસ્તર તો રેણ ઓળખાતા નથી
નજર ના પડે જો તો વ્હેમ ઓળખાતા નથી
જોયા છે સદા પરદાની આડમાં એમને
ધુમ્મસ જો વિખેરાયું વેણ ઓળખાતા નથી
જોયા છે છલકતા સરવર એમની આંખમાં
આછર્યા જો પાણી તો નેણ ઓળખાતા નથી
જોયા છે જગતમાં ખુલ્લેઆમ હસતાં મુખે
ભીતર ભેદ ખુલ્યા તો કે'ણ ઓળખાતા નથી
પદવી હોય ને સાથે હો માનમોભો ભલે
ફર્યો જો મુકામ તો હાકેમ ઓળખાતા નથી
સરલા સુતરિયા
તા. ૨૫- ૦૪- ૨૦૧૭/
No comments:
Post a Comment