દરિયો અધરાતે ડોલે, દરિયો મધરાતે ડોલે
દરિયો ઉગમણે ડોલે, દરિયો આથમણે ડોલે.
નભમાં ચાંદો ઝોલાં ખાય, નવલખ તારા ઝોલાં ખાય
અડધાં લોચનિયાં બિડાય, અડધાં શમણાંઓ ઢોળાય !
ચડતી જલપરી ઝોલે, ચડતી વિભાવરી ઝોલે
દરિયો અધરાતે ડોલે, દરિયો મધરાતે ડોલે
જળમાં માછલિયું રોતી, તીરે ખારવણ રોતી
અમૂલખ ખોવાયું મોતી, લાવે કોણ હવે ગોતી?
દરિયો ભેદ સકલ ખોલે, દરિયો વેદ સકલ ખોલે
દરિયો અધરાતે ડોલે, દરિયો મધરાતે ડોલે
– લાલજી કાનપરિયા
No comments:
Post a Comment