ગુજરાતી છું !
હરખે મારી પળપળ ,હું ગુજરાતી છું !
કરી છે મેં ચળવળ , હું ગુજરાતી છું !
જાદુ કર્યો છે , સમજણનો દુનિયા પર ,
કાળજાનો કટકો,વારી જાઉં મુનિયાપર.
નથી કરતો બડબડ, હું ગુજરાતી છું !
હરખે મારી પળપળ ,હું ગુજરાતી છું !
આ ગુર્જરી ધરા, નર્મદનો છું વારસ ,
અડું લોંખડને, બની જાય એ પારસ .
શબ્દોની છે સળવળ ,હું ગુજરાતી છું !
હરખે મારી પળપળ ,હું ગુજરાતી છું !
લોકમાતાનું ધાવણ ધાવી ઉછર્યો છું ,
સંસ્કારના જોબન સંગે ,વિસ્તર્યો છું .
વહે નર્મદા ખળખળ,હું ગુજરાતી છું !
હરખે મારી પળપળ, હું ગુજરાતી છું !
ડંકો વગાડયો , સાહસનો ને બુદ્ધિનો,
સતત જાગૃત છું , મનની શુદ્ધિનો.
વિશ્વમંચે ઝળઝળ, હું ગુજરાતી છું !
હરખે મારી પળપળ,હું ગુજરાતી છું !
***
-કૃષ્ણકાંત ભાટિયા 'કાન્ત '
No comments:
Post a Comment