ૠણ ગત જન્મોનું તારે વાળવાનું હોય છે!
એથી તો તારે જો, પાછું જન્મવાનું હોય છે !
ના કશીયે ચિંતા કરવાનો છે દોસ્તો, અર્થ પણ!
જે થવાનું છે એ તો કાયમ થવાનું હોય છે !
જિંદગીનો હોય કે એ હોય રસ્તાનો પછી,
હર વળાંકે થોડું તો સંભાળવાનું હોય છે!
ના બધું તો થાય છે જો, આપણાં આ મન મુજબ!
કોઈ રીતે મનને બસ, સમજાવવાનું હોય છે!
બસ, કરીને આ પ્રણય, બીજું શું મળવાનું અહીં?
આ હ્રદયને ખુદના બસ, તડપાવવાનું હોય છે!
કોઈને ના ચહેરા પરથી તો ખબર એની પડે,
એ રીતે આ દર્દને છુપાવવાનું હોય છે !
તોરણો ના બાંધે જો, અદ્રશ્ય રીતે આ જીવન,
જિંદગીમાં તારી કોઈ આવવાનું હોય છે !
-હેમંત મદ્રાસી
No comments:
Post a Comment