*તરહી*
*સપનાઓને પાળી બેઠાં*
*પાપણને પંપાળી બેઠાં*
ના મળ્યો કોઈ ખંભો તો,
ખુદને જો સંભાળી બેઠાં
ભમરા લૂંટે ફોરમ ને આ,
કાંટા સાથે માળી બેઠાં .
ફૂલો બીડાયા જાણીને,
ભમરાને સંતાળી બેઠાં.
ટાઢો ચૂલો ઊની રૈખા(રાખ)
જમવા લઈ થાળી બેઠાં.
ગમતાં 'તા એ ખુદથી જાજા,
તેથી ભૂલો ટાળી બેઠાં.
રોજે જોવાં ગમતાં એવાં,
સ્વપ્નાને પણ પાળી બેઠાં.
સૂરજ ઊગ્યો સોનાનો ને,
સુખની સીમા ભાળી બેઠાં.
*કાજલ કાંજિયા "ફિઝા"*
No comments:
Post a Comment