તું પ્રેમ તારો ત્યાંથી જરાપણ હટાવમા !
એ બેવફાની વાતો વફામાં તું લાવમા !
ઇન્સાન વચ્ચે યા રબ ! કયામતમાં આવમા !
રાખ્યો છે ઠેઠ સુધી એ પડદો હટાવમા !
લાયક જગા ઉપર જઈને રડવાનું રાખજે,
આ દિલના દર્દને તું ગમે ત્યાં વહાવમા !
ખંજન ની ખીણ , લટની આ ભૂલભૂલામણી ;
સામાન મોતનો છે , કહ્યું'તુંને ત્યાં જાવમાં !
એનાથી પણ છે બદતર , જગતના અનુભવો ;
દોઝખની બીક જાહિદ ! મને તું બતાવમા !
એક એક ઘૂંટ પીને મજા લે ! વિસામો લે !
પંડિત ! તું શ્લોક માફક સુરા ગટગટાવમા !
હું તારી ના ને ' હા ' માં પલ્ટાવીને રહીશ ;
મુસાની જીદ હજુ પણ છે મારા સ્વભાવમાં .
'કાયમ' મરણ પછી ની નવાજિશ નું શું કરું ?
વેચાયું છે જીવન જ્યાં મફતના જ ભાવમાં .
કાયમ હજારી સાહેબ
મોરબી
No comments:
Post a Comment