આ જીંદગી વહેતી ગંગાનો કેવો ખળખળતો અવિરત પ્રવાહ
એક કિનારો છૂટે તો આહ ને સાગરને મળી જાય તો વાહ વાહ
ને આ કોણ સંકોચાયુ છે મૌન યાદ બની દિલોના ડૂસકાઓમાં
વહેતા આંસુઓમાં પણ ક્યારેક આહ તો ક્યારેક વાહ વાહ
વાંક નિર્દોષ નજરનો ક્યાં હોય છે કદીયે દિલોની બરબાદીમાં
મારી સામેથી એનું ગુજરવું પણ ક્યારેક આહ તો ક્યારેક વાહ
મયખાનાની હર એક સાંજ બહારથી દેખાતી હોય છે શરાબી
મારા જ એક હાથના જામમાં આહ તો બીજામાં નશીલી વાહ
ધૂમાડાના ગોટા ઉપરથી લાગેલી આગનો અંદાજ કેટલો સાચો?
જો પાપી પેટની હોય તો આહ ને ઘરના ચૂલાની હોય તો વાહ
અધૂરો છે "પરમ" પ્રેમ પણ એનો જે થઈ નથી શક્યા "પાગલ"
જો ન થયા પાગલ તો આહ ને થઈ ગયા તો જિંદગીભર વાહ વાહ
ગોરધનભાઈ વેગડ (પરમપાગલ)
No comments:
Post a Comment