તા.૧૧-૦૭-૨૦૧૭
પડે છે ક્યાં ફરક આજે કશીયે હારથી બોલો,
સમય પણ હાર ખાયે એક આ લાચારથી બોલો.
મને તલવારની આ ધાર પર શંકા પડે કાયમ,
ઘવાયો છું સદા આ સોયના બસ વારથી બોલો.
હજી પણ રાહ જોનારા ઘણા છે જિંદગીમાં તો,
ફરક પડતો નથી કોઈ હવે સંસારથી બોલો.
ફસાયો છો ભલે આ પાર સાગરની હજી કિન્તુ,
પુકારે છે મને કોઈક પેલે પારથી બોલો.
ફરી તૈયાર થા "જયલા" નવા ઘાવો સહેવાને,
હદયમાં કોઇ ઉતર્યું છે નયનના દ્વારથી બોલો.
No comments:
Post a Comment