કૂંચી આપો બાઇજી
તમે કિયા પટારે મેલી
મારા મૈયરની શરણાઇજી
કોઇ કંકુથાપા ભૂંસી દઇ, મને ભીંતેથી ઉતરાવો
કોઇ મીંઢળની મરજાદા લઇ
મને પાંચીકા પકડાવો
ખડકી ખોલો બાઇજી
તમે કિયા કટાણે પોંખી
મારા કલરવની કઠણાઇજી
મારા મૈયરની...
તમે ઘરચોળામાં ઘુઘરીયાળી ઘરવખરી સંકેલી
તમે અણજાણ્યા ઉંબરિયેથી મારી નદિયું પાછી ઠેલી
મારગ મેલો બાઇજી
તમે કિયા કુહાડે વેડી
મારા દાદાની વડવાઇજી
તમે કિયા પટારે....
વિનોદ જોશી
No comments:
Post a Comment