ગીત
રાધાના માથે
પહેરેલા ગજરાનું
મધુવનના ભમરાએ
ચુંબન લીધું
ગજરાની કળીએ કળીએ
ઊર્મિ જાગી
ને કુંજ કુંજ રાધાનું નામ
વહેતુ થયું
એ મધુવનનો ભમરો
ભટકી ભટકીને
મુરલીએ જઈ સંતાયો રાધાની લ ટે એને
હળવે હાથે
ઉંચે ઉડાડ્યો
લટનો થપાટો એના
નાકે જઈ અથડાયો ને કુંજ કુંજ રાધાનું નામ
વહેતુ થયું
કદંબની ડાળ
ઝુલતીતી હીંચકે
રાધાના કાળા
લટકેલા કેશને
વાયરાના સંગે
એવા ઉડાડ્યા
કેશનો લટકો
એના દિલે
જઈ અથડાયો
ને કુંજ કુંજ રાધાનું નામ
વહેતુ થયું
- કિન્નરી દવે
No comments:
Post a Comment