ગઝલ

ગાલગાગા ગાલગાગા ગાલગાગા ગાલગા

ઓળખાઈ જાય ઢોંગી ભર બજારે, ઠીક છે,
કારનામા ઉધડી જાય જો લગારે, ઠીક છે.

વાડ ઉઠી ચીભડાં આરોગતી કોને કહું ?
કોણ આવ્યું  શેઠ કે? નાખો વખારે, ઠીક છે.

ધર બનાવ્યા કે મકાનો, ભાગ તારો કેટલો?
રૂપિયા ખરચી આબરૂ પામ્યા નગારે , ઠીક છે.

આ મહેલો ઈંટ પાણાના રંગાયા ખૂન થી,
મૂલ દીધા રાજને ત્યારે તગારે , ઠીક છે.

આ ધરમની તો ધજા ફેલાઈ રોજે ગામમાં ,
વાત જાણી ભેદ ખૂલ્યા છે મજારે , ઠીક છે.

જિંદગી આખી ઘસાઈ, આ પગે ખોટા થયા. આમદાની ખૂટતી જ્યારે પગારે,  ઠીક છે.

બાળકો સાથે રમીને ખૂદને તે ભૂલતો,
નામ તેનું યાદ કોને ,ગ્યો અંગારે , ઠીક છે.

"કાજલ"
કિરણ પિયુષ શાહ
27/09/17