અવધુ -૧૦
અવધુ ! સાવ અનૂઠો હોયે ગેરૂઓ રંગ
જીવ ઝળહળ સ્થિર જ્યોત ને છોડી ચાલે અંગ...
સૂન શિખર પર ધજા ફરકતી, ખીણમાં પડઘા ઝૂલે
મહામૂલા આ મતિ વતી સૌ કમળફૂલ થઇ ખૂલે
હો સુધબુધના દ્વાર બંધ ને હો પ્રત્યાંચા તંગ
અવધુ ! સાવ અનૂઠો હોયે ગેરૂઓ રંગ
અ્હાલેકની ભસ્મ ભાલ પર માયા-મમતા પરે
વાણી નામક મહી મૈયારણ કર કમંડલ ધરે
વાત કરીને વરે અનુપા પંડ- પંખીડા સંગ...
અવધુ ! સાવ અનૂઠો હોયે ગેરૂઓ રંગ...
- અનિલ વાળા
No comments:
Post a Comment