અવધુ-૧૫
અવધુ ! બીજ તો ખાલી બહાનું...
થડ,મૂળ,આ છાલ કે શાખા એ તો બધું નફાનું...
ખરી વાત તો પાન તણી છે એવું લેવું જાણી
પંચ અંગમાં બધે બધે તો વહ્યા કરે છે પાણી...
સકલ શરીરે ફરી રહ્યું છે એક તત્વ જે છાનું...
અવધુ ! બીજ તો ખાલી બ્હાનું..
ફૂલ વિના,રૂપ રંગ વિના કે ગંધ વિના શું જાણો ?
અન્તઘડીએ કશું હોય તો હોય ધૂળ કે પ્હાણો...
જીવ-જગતની વાત કરો તો ખાલી રહેતું ખાનું...
અવધુ ! બીજ તો ખાલી બ્હાનું...
- અનિલ વાળા
No comments:
Post a Comment