સુધારીને ફરીથી...
🍀🍀🍀🍀🍀🍀🍀🍀🍀🍀🍀
અક્ષર પરપોટા
શબ્દના સિક્કાઓ લઈને ધારોધાર નીસરવું;
અરથ ગરથને સાંધી બચકે આરપાર ઉતરવું.
ફૂલની ફોરમ બની ઠનીને ઊભી રહી જાય સામે;
ઝાકળનું ઝાંઝરવું પહેરી ઠમકે અલખ ફૂલને ધામે.
પર્વત ટોચે કરી હાકલા સાતેય સાગર તરવું.
શબ્દના સિક્કાઓ લઈને.....
પંખી ગણનું લઈ ફફડવું ચાંચે ચોમાસું ચોધાર,
અંદર વાદળ ગોરંભાતું વરસે અનરાધાર.
આ પરપોટામાં સૂરજના ચમકારે ચિતરવું.
શબ્દના સિક્કાઓ લઈને.....
- ડૉ. ભાવેશ જેતપરિયા
🍀🍀🍀🍀🍀🍀🍀🍀🍀🍀🍀
No comments:
Post a Comment