ગમ્યું નથી જે કદી તે ગમાડવા લાગ્યાં
અમે બસ એમ હ્રદયને રમાડવા લાગ્યાં.
એલાર્મો હારી ગયા એક ધારા વાગીને
અને તમે શું જગત ને જગાડવા લાગ્યાં
જગત ની દોડ મહીં થાય છે વિજય કોની?
વધુ જે દોડે બધા એને પાડવા લાગ્યાં.
અહીં તો હાસ્ય બધા સાવ ભૂલી બેઠા છે
ફકત જનાજા દુઃખો ના ઉપાડવા લાગ્યાં.
જગત ને ટેવ છે મહેબૂબ નખ થી ખણવા ની.
તમે જખમ શું બધા ને બતાડવા લાગ્યાં.
મહેબૂબ સોનાલીયા
No comments:
Post a Comment