ગઝલ

*સહિયારી વક્રોક્તિ*

મિત્રો પોલા ખોખા જેવાં,
જાણે સાવજ બોખા જેવાં,

હું તારો છાંયો છું કે'તા,
રાવણનાં એ ડોકા જેવાં,

મોટી મોટી વાતો કરતાં,
ચોંટે દાણા ચોખા જેવાં,

'સમજૂ છું' નાં ઘોડા હાંકે,
નીકળે સાવ ડોબા જેવાં,

સુતળી બોમ્બ બ્હારથી લાગે,
અંદર રદ્દી ટોટા જેવાં,

*- ભાવિન દેસાઈ 'અકલ્પિત'*

આંટા કાપે આગળ પાછળ,
ગબડે જાણે લોટા જેવાં,

ઉડતાં એ ગુબ્બારા જેવાં,
ફૂટે તો પરપોટા જેવાં,

નેતા જેવાં ભાષણ આપે,
પસ્તીના તો થોથા જેવાં,

મોકો શોધે ખાલી ખોટો,
મારે શબ્દો ધોકા જેવાં,

બણગાં મોટાં ફૂંકી ફૂંકી,
ગગડે ખાલી હોકા જેવાં.

*- કીર્તિ રાઠોડ 'ક્રિતી'*