*એક* *સોડષીનું* *ગીત*
સંવેદનને કેમ કહું કે આવોમા,
ઝીણીઝીણી ઘૂઘરિયું સંભળાવોમા.
મસ્ત વાયરે અમથી અમથી ચૂમી લીધી,
કૂણાકૂણા તડકાએ આલિંગી લીધી,
અલકમલકની વાત કરી બહેકાવોમા...
ઝીણીઝીણી ઘૂઘરિયું સંભળાવોમા!
સંવેદનને કેમ કહું કે આવોમા?
નસનસમા ધસમસતી નદીયુ ઉછળી દોડે,
કોણ કહે શું? એ જોવા તું શાને થોભે?
માંડવડેથી જાન હવે ઉઘલાવો, મા !
ઝીણીઝીણી ઘૂઘરિયું સંભળાવો, મા !
સંવેદનને કેમ કહું કે આવોમા!
_નેહા_ _પુરોહિત_
No comments:
Post a Comment