ગઝલ

રૂમાલ

તારા હોઠના અમીની મીઠી સુવાસ છે રૂમાલમાં
તુ એ લીધેલા શ્વાસની લીલી ભીનાસ છે રૂમાલમાં

આને હું રૂમાલ કહું કે કહું તારી સોનેરી યાદો,
હજીય એજ તાજપની ઘેરી લીલાસ છે રૂમાલમાં.

બન્નેના અશ્રુબિંદનું મિલન છે આ રૂમાલે,
ચાખીને રોજ જોઉ એ જ ખારાસ છે રૂમાલમાં.

પામી શકું હું તુજને એ ગાંઠ રૂમાલે બાંધી,
આ પ્રેમના  તલબની તીવ્ર પ્યાસ છે રૂમાલમાં.

યાદોના એ ફૂવારા આ રૂમાલમાં લઈ લીધા મેં,
"મયુર" હ્રદય રૂમાલે ય હજી તલાસ છે રૂમાલમાં.

મયુર દરજી
ડભોઈ