ગઝલ

ન દિલમાં વસાવો, કહું  શું  હું તમને!
નજર ના ઉઠાવો, કહું શું હું  તમને!

તમારા હું તો સપનાં જોતી રહું છું,
ન પૂરાં  કરાવો,  કહું  શું  હું  તમને?

મને  દૂર બસ, ક્યાંક જાવું અહીંથી,
કશે લઈ ન જાવો, કહું શું હું  તમને?

વીતી એ ઉદાસી ભરી સાંજ આખી,  
સમયસર ના આવો, કહું શું હું તમને?

કર્યું આ જીવન મેં તો તમને જ અર્પણ!
ન મારા જ થાવો, કહું શું હું તમને?

હું ખોવાઈ જાતી તમારામાં, મુજમાં
ન કંઈ રસ બતાવો, કહું શું હું તમને?

તમારા તરફથી મળ્યા છે છતાં પણ,
એ જખ્મો ગણાવો, કહું શું હું તમને?

-હેમંત મદ્રાસી