અછાંદસ

ઝરણું ...

ઢગલો કરેલો પત્થર
દેખાતી આંખ અને થોડી હલચલ
દબાતો અવાજ
ભૂખ અને ભરપેટ અન્નકૂટ બહાર
ઓટલો જાણે પિરસેલો થાળ
લીંમડે મીઠી ડાળ
હિંડોળે વાયરો
જરજર ઝરતું ઝરણું
ડૂંગરે-ડૂગરે પડાવ કરતો માહોલ
આવતું-જાતુ કોણે ગાયેલું આ ગીત?
ઘરતીનું ખડખડતું સંગીત હોય
જાણે મંદિરના પગથીયે પ્રસાદની
લહાણી અને આ ઝરણાની વાણી
આખેઆખી ઝાલર અને જળ-જળતો ઘુઘરી ટાકેલો પાલવ જાણે આકાશી દર્પન રૂડા આંગણે,
પાથરેલા આ પાથરણા અને ટોળા
ફરતા પ્રવાસ સાથે ઝરણું
નિરંતર પ્રવાસી લહેર..
પત્થર નીચે-ધીમો અવાજ
ફૂટે એક પ્રવાહ
જયારે વહેતું સમતલ
સાથે ફેલાતું તરણું
ઊંચે ડૂંગરે નમણું ધજાળું લાગે ગામ
એક ઝરણું જાણે રેલાતું નામ
સફેદી-સ્વેત રંગી આરપાર
જીવન રથ જળજળ
ગાતુ સૂરીલું ગીત.....!

જાગૃતિ મારૂ મહુવા  'જાગુ'