ગઝલ

ક્યાં સુધી?

શ્વાસ પણ પીડા વધારે, ક્યાં સુધી સ્હેવું હવે ?
રોજ બસ જૂદાં પ્રકારે, ક્યાં સુધી સ્હેવું હવે ?

મોરપીંછું નથી, માખણ નથી, ગોકુળ નથી,
રાધિકા જખ્મો સંવારે, ક્યાં સુધી સ્હેવું હવે ?

ઓરડો ને ઓસરી ખાલી નથી- ભરચક નથી,
આફતો લટકાય દ્વારે, ક્યાં સુધી સ્હેવું હવે ?

એક પળ અફવા બને- શબ્દો બની છાપે ચડે,
મૌન હાંફે છે નગારે, ક્યાં સુધી સ્હેવું હવે ?

રોજ તરસું, રોજ વરસું તે છતાં મજબૂત છું,
તૂટવાનું છાશવારે, ક્યાં સુધી સ્હેવું હવે ?

#આલાપ