કેવું લાગે બોલો...
ઇંટે ખગ સૌ માળા બાંધે, કેવું લાગે બોલો.
ભીંતો વચ્ચે ટોળું બાજે, કેવું લાગે બોલો.
આડું-અવળું, વાંકું-ચૂંકું ડોબું હાલે ઓલું,
માણહ કાયમ ઉંધો હાલે, કેવું લાગે બોલો.
લેપો લાપી તાજા- તાજા ચ્હેરા ચમકે ખાલી,
મન પર ઈર્ષ્યા ફોલ્લી વાવે,કેવું લાગે બોલો.
ઇચ્છાનો ગઢ જોવો,જાણે વાવેતર નો ઢગલો,
પ્હાડો ખોદી ઉંદર કાઢે, કેવું લાગે બોલો.
દોડી - દોડી કેવાં હાંફે, શમણાં છાનાં-માના,
આંખો બાંધી તાળા રાખે,કેવું લાગે બોલો.
શોધક એ સઘળી ભૂલોનો,વાતો કરતો મોટી,
ખુદની ભૂલો ઓગાળી ચાલે, કેવું લાગે બોલો.
'જ્ન્નત' અર્પી ઊંડા ઊતારે મીઠી બોલી મારી,
ટાણું બદલે વાર્તા માંડે, કેવું લાગે બોલો.
-જ્ન્નત
પિનલ સતાપરા
No comments:
Post a Comment