શ્યામ શરણ
રાધાના નયનોમાં ઉભરાયો પ્રેમ નો દરિયો
અલી આટલા મોટા કાન ને કેમ કરી સંઘરીઓ
વાંસળી ના સુર મહી રાધાનો પ્રેમ છે સમાયો
વ્રજ રજ કાલિન્દી ને ગોપીઓએ કૃષ્ણ થી કમાયો
કદંબના વૃક્ષ નું પાન પાન કેમ ચડ્યું છે હિલોળે
છોગાળા જોને આજ રાસ મહી ખીલ્યા કળા સોળે
ગોકુળની શેરીઓમાં રેલાયા આંધણ ના રેલા
ભાન ભૂલી ગાપીઓ ને ગ્વાલબાલ રાસ માં છે ઘેલા
ચિતડું તમે ચોરી લીધું કેમ કરીએ સંસાર ના ફેરા
રાત દિવસ સુજે નહિ રચ્યા કેવા પ્રેમ ના ઘેરા
ગોકુળની શેરીઓમાં શ્યામ હવે નહિ નીકળતા
વિરહની વેદના થી જુઓને હૈયા અમારા બળતા
રમતોમાં રીઝવીને તોડો છો અમારા અબોલા
રૂઝવી જાણો તો માનું આમ હર્દયે પડેલા ફરફોલા
જગના દુઃખોંને ઝેલી હૈયાને કર્યું છે આળું
વેદના ડોકાઈ નહિ આંખ ને હોઠો એ રાખો તાળું
માટલી ફોડી ને રસ્તો રોકો છો અણધારો
દ્રશ્ય અદ્રશ્ય ના ખેલ છોડો પડે અમને અકારો
ઉરની હાટડી' હેમ' છલકે સંસાર વ્યવહારો ગ્રહી
શરણે લો શ્યામ હવે પકડી અમ બાવડી અનુગ્રહી
ડો.હેમેન્દ્ર જોશી
No comments:
Post a Comment