પ્યાલો પ્રેમનો સજન સંગ પીધો
લ્હાવો હુંફનો મેં અદ્દ્ભૂત લીધો
સાંજની સુંદર મલપતી વેળા
અઢળક સ્નેહ મેં ભર ભર પીધો
યમુના રાધા ગોપી સંગ સંગ
અંગ અંગ પર શ્યામ છવાયો
પ્યાલો પ્રેમરસ સજન સંગ પીધો
જામ અલૌકિક પાયો ઉમંગે
ઘૂંટ ભર્યો ત્યાં હું શ્યામ સમીપે
મારા તારાનો ભેદ ના રહીયો
શ્યામ સંગ મન એકરૂપ સાધો
તુલસીવન વ્રુંદાવન છાયો
ચિત્ત મન સબ શ્યામ સમાયો
પ્યાલો પ્રેમરસ સજન સંગ પીધો
શ્વાસની સરગમ સુરોમાં સજાવી
પ્રેમરસની જે મહેફિલ માંડી
આંખ શુ આંખ ને હ્રદય શુ હ્રદયથી
અણકથ આનંદનો લ્હાવો મેં લીધો
અંતર મનમાં ઉદધિ ઉછળતો
તન મન ઉમંગ હરીરસ સવાયો
પ્યાલો પ્રેમરસ સજન સંગ પીધો ..
સરલા સુતરિયા
No comments:
Post a Comment