અય દોસ્ત ! તારો જરી દીદાર કરી લીધો,
એટલે દરિયો વિકટ અમે પાર કરી લીધો.
ધર્માસનેય બેસવાનો ફાયદો જુઓ જરા,
કેવો એમણે શ્રદ્ધાનો વેપાર કરી લીધો.
તાગ નથી નીકળી શક્યો આ જિંદગી કેરો,
બસ અમે થોડો આ એનો સાર કરી લીધો.
ના એકેયે જગા બાકી રહી ગઈ સુસજવામાં,
અંગેઅંગમાં જખ્મોનો શણગાર કરી લીધો.
કશું ના દઈ શક્યા'તા ને; કશું પામી શક્યા'તા ના,
બસ એટલો તો વસવસો પારાવાર કરી લીધો.
- મુકેશ દવે (અમરેલી)
No comments:
Post a Comment