ભીતર વાગે ઝાલર ઝીણી, હૈયું ઝળહળ થાય
અંધારાના ઓળા ઊતરી અજવાળું રેલાય
યાયાવર પંખીની પાંખે પામુ જગવિસ્તાર,
હું જ મને અથડાઉ ભીતર થઇને અનરાધાર
અલખધણીને સમરુ ત્યારે મન ગંગાજળ થાય
ભીતર વાગે ઝાલર............
આકાશે ડગ માંડુ ત્યારે વિશ્વ લાગતું ટપકું,
અનહદની હદ કયાંય જડે ના,હરિ નામમાં અટકુ
જેમ ધરુ હું ધ્યાન, નિજનું સ્વરુપ નિર્મળ થાય
ભીતર વાગે ઝાલર...
એમ અદીઠો સાથ મળે તો બનું નિરંજન રૂપ,
સૌમા વસતા રામનામમા પામુ આત્મ સ્વરૂપ
ગુરુ મળે તો ગાગર, સાગરજળ થઇને છલકાય
ભીતર વાગે ઝાલર.....
....વર્ષા પ્રજાપતિ ઝરમર
No comments:
Post a Comment