ગીત

ગીત
ગરમી ગરમી તૌબા તૌબા,
             હાલ થયા બેહાલ
પિન્કીના પપ્પા લઈ ચાલો,
              અમને નૈનિતાલ !
પરસેવો  તો  ખૂબ  વળે છે,
            ગરમી મૂઈ સતાવે.
રાતે   ફરતો   પંખો    તોયે,
         અમને ઊંઘ ન આવે.
ઓફિસેથી   રજા  લઈ   લો,
        ટિકિટ  કઢાવો તત્કાલ !
પર્વત  શિખરે  કેવાં  વાદળ,
          હસતાં-રમતાં-ફરતાં.
પંખી  કલબલ  કરતાં મારી,
           આંખોમાં તરવરતાં !
સપનામાં  દેખાય     અમને,
               જોવા જેવા તાલ ! 
ઝીલ -સરોવર લાગે   સુંદર,
          કલકલ ઝરણાં વહેતાં.
સંધ્યાના   રંગ -બેરંગી  રંગો,
           ભાગમ ભાગી  કરતા !
નજરુંથી   જોવા  છે    અમને ,
           ચીલ   નામના   ઝાડ !
પિન્કીના  પપ્પા  લઈ  ચાલો,
                  અમને નૈનિતાલ !
                   ***
-'કાન્ત