ગઝલ

આંબાની ડાળીએ બેઠેલું પારેવું
એના દલડાંની વાત મને કે’તુ

આ ઝાડની ડાળ પર વસુ છુ હું
કે પછી ઝાડ આ મારામાં રે’તુ

આભમાં રોજ રોજ ઉડ્યાં કરુ હું
કે પછી આભ મારી પાંખમાં વે’તુ

પથરાને અડકીને વેહતુ આ ઝરણું
ખળખળ  કંઇ વાત  એવી  કે’તુ

પાણીમાં દેખાય આ પથરાનુ હોવુ
કે પછી  પત્થરમાં પાણી આ વે’’તુ

ફૂલોની પાંખડીએ બેઠેલું પતંગિયું
લાગે  જાણે   વાત  એવી  કેતું

ફૂલો  પર બેઠેથી  છુ હું સુંદર
કે પછી મારાથી સુંદર એ રે’તું

ઊછરતા ઝાડને નીરખુ રે એમ
જાણે   ઝાડ આ મારામાં રે’તુ

એક દી ઝાડમાં પ્રવેશીતી આખી
આજ ઝાડને મારામાં ઊછરતું દેખું
                   -કિરણ જોગીદસ