*ગઝલ*
દિન ઊગે ને ફરમાનો નીકળે,
લૈ સંધ્યા-ઓથ જમાનો નીકળે.
સમજીએ છીએ જેને આપણાં,
એ પાછળથી હેવાનો નીકળે.
ના પૂછપરછ ના કોઈ માહિતી,
એવાં સ્વજનો દરવાનો નીકળે.
ભૂલાવી ખટરાગ કરે બંધુતા,
મ્હારે વતન દયાવાનો નીકળે.
આપું શું તમને ખુદ જ ફકીર છું,
ચાલે જો કલમ ખજાનો નીકળે.
થાય ધરાશાયી અસત્ય તણો દુર્ગ,
જો મારી હાક જવાનો નીકળે.
સત્યના પંથે ચાલેલાં શ્વાસમાં,
દફન થયેલાં અરમાનો નીકળે.
છે તમન્ના એક જ 'સંગી'દિલ મહીં
પાડોશી એક મજાનો નીકળે.
- સંજય બાપોદરિયા 'સંગી'
No comments:
Post a Comment