ગઝલ

થોડાંક     શમણાઓને      આંખોમાં     સજાવ   તું  ,
તારા       સુતેલા    બધા   અરમાનોને    જગાવ   તું  .

કેમ   બોલે    તું    ઢીલું  ,
મુખ   છે     કેમ   વીલું ,
લમણે  હાથ   દઈ  બેસી  રહેવાથી  કશું  નહિ  મળે ,
પથ્થરોને     ફોડવાની   હિંમત    કરીને   બતાવ    તું .
તારા     સુતેલા    બધા    અરમાનોને    જગાવ   તું .

બેસી    રહે   તે    ચાલશે   નહિ  ,
કર્યા   વિના   કશું   મળશે    નહિ ,
ઊઠ   ,    થઇ    જા    તૈયાર  ,   છોડી    દે   ચિંતા ,
નિરાશાના      ઊમટેલાં      વાદળોને     હટાવ    તું .
તારા   સુતેલા     બધા   અરમાનોને     જગાવ   તું .

આપત્તિનું   નામ   છે    જીવન ,
વેદોનું     છે    એ    જ  વચન  ,
તકલીફ    સદા   રહેવાની   છે    જીવનમાં   દોસ્ત ,
હવે    કિસ્મત    સાથેના    હિસાબને    પતાવ   તું .
તારા    સુતેલાં    બધા    અરમાનોને    જગાવ   તું .

ઇરાદા   મજબુત   બનાવ   તું ,
ઇચ્છાઓને   પંખ   લગાડ   તું  ,
જોજે   પછી   કેવો   ઊડે   છે   આસમાનમાં  ઊંચે ,
કોઇ  અલગ  નવો   રંગ  હૈયાને  'જશ'   લગાવ   તું .
તારા     સુતેલા    બધા  અરમાનોને       જગાવ   તું .

થોડાંક     શમણાઓને      આંખોમાં      સજાવ   તું  ,
તારા       સુતેલા    બધા    અરમાનોને   જગાવ   તું  .

                            જશુ પટેલ
                         ૧૨-૦૪-૨૦૧૭
                            યુ.એસ.એ.