*પલ | હૃદયનો સીધો અનુવાદ*
માણસ છે કે મગનો ઢગલો ?
થાક્યા પાક્યા પગનો ઢગલો.
લોકો મારી ભૂલો શોધે-
મારે દુખતી રગનો ઢગલો.
ખુદને મળવું દુષ્કર છે ત્યાં-
શું કરવો છે વગનો ઢગલો ?
ડગલું ક્યાં નિશ્ચિંત ભરે છે ?
માણસ છે લગભગનો ઢગલો.
તડકાને ક્યાં પડછાયો છે ?
જીવન છે તગતગનો ઢગલો.
દીવડાનો વૈભવ દર્શાવે,
રાખ વળેલી શગનો ઢગલો.
અજવાળાને હંફાવે છે,
ઝીણેરી ઝગમગનો ઢગલો.
*આલાપ*
#CM_Sarkaar
No comments:
Post a Comment