આજે
એકલું
ભૂલુ પડયું છે
એક વાદળ
પવન વિના
ભાર વિના
હેતુ વિના
પહેર્યુ છે તડકાનું અંગરખું
ધવલ ધવલ
જાણે અવકાશ સરોવરમાં
હંસ ફરતો હોય તેવું
બહાર દેખાય ધવલ ધવલ
અંદર સ્યામલ રંગે
કસબથી મઢેલું
હવાના હેલારે
તરતું અવકાશમાં
રાહ જોઈ
અન્ય વાદળ ઉમટ્યાં
ઘટાદાર ટોચ ચમકીને
વરસી પડ્યું એકરસ થઈ
અવની તટ પર
ઝરમર ઝરમરઝરમર
અને
હું ભીંજાઉ અનહદના અવસરીએ....
મીના માંગરોલિયા
No comments:
Post a Comment