આપનો સહવાસ મળ્યો , જોઇએ ના કશું હવે ,
પ્રેમનો અહેસાસ જડ્યો , જોઇએ ના કશું હવે .
સાવ જ અજાણ્યા હતા ને આપણે એકમેકથી ,
જે તમે વિશ્વાસ કર્યો , જોઇએ ના કશું હવે .
કેટલા દુર્ગમ હતા રસ્તા , સફર જીવન તણા ,
સંગ જે પ્રવાસ ખેડ્યો , જોઇએ ના કશું હવે .
ચાલવાનું , દોડવાનું , કેટલું કરવું પડ્યું ,
ના કદી કો' ત્રાસ વેઠ્યો , જોઇએ ના કશું હવે .
'મોજ મસ્તી , માણવાની 'જશ' મજાની તક મળી ,
વૈભવી આવાસ મળ્યો , જોઇએ ના કશું હવે .
જશુ પટેલ
૨૪-૦૫-૨૦૧૭
બોસ્ટન , અમેરીકા
No comments:
Post a Comment