ગઝલ

.
ખુદના બળે જો જીતવો હો  જંગ આપણે,
તો જંગનો કરવો પડે આરંભ આપણે.

પછડાટ ખાધી એ પછી સમજાયુંં એટલું,
કે ચાલતા'તા આંખ રાખી બંધ આપણે.

ઘર ઘર ભટકવાની હજી આદત જતી નથી,
વાનર તણો એ આખરે તો અંશ આપણે.

જીવે હજી પણ જેલમાં દેવકી ઘણી,
છીએ વિચારોથી હજી પણ  કંછ આપણે.

થાશે મહાભારત ઘરે; કુંટુંબમાં ઘણું ,
ધુતરાષ્ટ્ર જેવા જો બનીશું અંધ આપણે.

પીડા પ્રસવની હોય કેવી જાણતાં નથી,
આગળ વધાર્યે રાખવો છે વંશ આપણે.

હો શબ્દમાં તાકાત તો બોલાવશે બધાં,
ઉપકારમાં ના જોઈઐ આ મંચ આપણે.

                રત્નેશ અલગોતર 'નિરાશ'