ગઝલ

ગાલગાગા ગાલગાગા ગાલગાગા ગાલગા

વાત એવી કૈં હતી કે આંગળી પકડી હતી ,
હાથ ઝાલી ના શકી હું એટલી નબળી હતી ,

ચોપડીને તેલ હાથે આંગળી આપી હતી ,
ના રહી એની પકડ જે આંગળી જકડી હતી ,

કેટલો રાખી ભરોસો કેટલું દોડી હતી ,
હારની બાજી પલટવાને ઘણું રખડી હતી ,

ઝાંઝવાના નીર સમ દેખાય સર્વે આપણાં ,
ભૂલ કોની જોઉ માનવ જાત એ સઘળી હતી ,

કોશતી ગઈ જેમને આભાર માનું એમનો ,
ત્યાંજ મારામાં હિના દેખાઈ જે સબળી હતી .

હિના શાહ " મહેંદી "