ગઝલ

સેલફોનમાં અખિલ બ્રહ્માંડ જોવાની મઝા આવે
અફાટ અંતર તો યે સહુને મળવાની મઝા આવે

સમાચાર પણ હવે ટચુકડા સ્ક્રીન પર ઝબુકતા
પેપર વાંચ્યા વગર બધું જાણવાની મઝા આવે

જ્ઞાન ગૂગલ પર સરળતાથી મળતું રહે
થોથા ઉથલાવ્યા વગર ભણવાની મઝા આવે

બાળ રામતોનો મોટો ખજાનો ખુલી ગયો
મેદાનમાં ગયા વગર રમવાની મઝા આવે

કોણ કહે છે માણસ માણસ વચ્ચે સંપર્ક ન રહ્યો
ઓન લાઇન જોઈ કુશળતા જાણવાની મઝા આવે

દિલીપ શાહ