ટહુકે ટહુકે ગીત લખાવી એક સુનેરી પંખી બોલે
અવળી સવળી પાંખ સજાવી એક સુનેરી પંખી બોલે
પ્હાડ ઉપર પથ્થર થઈ બેઠું
અક્ષરમાં અક્ષર થઈ બેઠું
પથ્થર પર અક્ષર ચિતરાવી એક સુનેરી પંખી બોલે
અવળી સવળી પાંખ સજાવી એક સુનેરી પંખી બોલે..૦
એની પાંખ ગગન વિસ્તારે
એની આંખ ફલકની પારે
દસે દિશે દીવા પ્રગટાવી એક સુનેરી પંખી બોલે
ટહુકે ટહુકે ગીત લખાવી એક સુનેરી પંખી બોલે..૦
-ભરત ભટ્ટ
No comments:
Post a Comment