ગઝલ

ગાલગાગા=4 (ફેરફાર સાથે)
==============

દૌડ પૈસાની ન પડશે તાપણામાં આપમેળે,
દેવપ્રિતી જાગશે શું આપણામાં આપમેળે ?

કારની(યંત્રની) પેઠે ગુજારી હોય જીવે જિંદગી તો,
માણસાઈ બેસશે નૈ બેસણાંમાં આપમેળે.

મૃત્યુ એ એનું લઈને આવશે અહિ આવનારા,
એટલે તો શિશુ હસે છે પારણામાં આપમેળે.

જો ન આપો તેજ હૈયે કેમ સમજે માનવીઓ,
તે વગર લો, કોણ પડશે ધારણામાં આપમેળે ?

ગોટલાંને રોપવાનો શ્રમ કરવો તો પડે છે,
બાદ આંબો પાકશે "પિયુ" આંગણામાં આપમેળે.

_______ પિયુ પાલનપુરી (નરોત્તમ)
લેખન તા. 11/08/2010