ગુલાબ ફૂલ બાગના ખરી જશે !
મિજાજ એમ પ્રેમનો વધી જશે !
સિતમ કરી ગયા મેં આખરી ગણ્યો,
લકીરમાં હશે કદી મળી જશે !
ન મોહતાજ ! બેકરાર હું નથી,
હજાર લોકની જ્યાં દુઆ ફળી જશે !
ખૂબે ય જીદમાં રહ્યાં જો આપણે,
સહજ સહજમાં આયખું છળી જશે !
ન શબ્દમાં, ન મૌનમાં, ન શૂન્યમાં,
જવાબ બે ય આંખમાં જડી જશે !
હું યે નથી, તું યે નથી, કશું નથી,
છતાં જરાક આ મમત નડી જશે !
ન શકયતા મિલન થકી રહી ભલા,
સ્મરણ તણું દરદ સનમ વધી જશે !
** નિશિ **
No comments:
Post a Comment